“Startap” şəhadətnaməsi Nazirlər Kabinetinin 2018-ci il 21 dekabr tarixli Qərarı ilə təsdiq edilmiş “Mikro, kiçik, orta və iri sahibkarlıq subyektlərinin bölgüsü meyarları”na əsasən mikro və kiçik sahibkarlıq subyekti olan hüquqi şəxslərə və fərdi sahibkarlara verilir. Müraciətçi mikro və ya kiçik sahibkarlıq subyekti olmadıqda, orta və ya iri sahibkarlıq subyekti olan təsisçilərin hüquqi şəxsdə payının 49 faizdən çox olduğu müəyyən edildikdə və ya rezident vergi ödəyicisi olmadığı məlum olduqda Kiçik və Orta Biznesin İnkişafı Agentliyi - KOBİA tərəfindən “Startap” şəhədatnaməsinin verilməsindən imtina olunması barədə qərar qəbul edilir.
Qeyd edək ki, “Startap” şəhadətnaməsi innovativ təşəbbüsə əsaslanaraq sahibkarlıq fəaliyyəti həyata keçirən mikro və kiçik sahibkarlıq subyektlərini bu fəaliyyətdən əldə etdikləri gəlirlər üzrə mənfəət və gəlir vergisindən 3 il müddətinə azad edir.
Powered by Froala Editor
